జూబ్లీహిల్స్ ట్రాఫిక్ ఇన్‌స్పెక్టర్ నర్సింగరావుపై బదిలీ వేటు పడింది. డ్రంక్ అండ్ డ్రైవ్ చలాన్లు క్లియర్ చేసేందుకు లంచాలు తీసుకుంటున్నట్లుగా పలు ఆరోపణలు రావడంతో హైదరాబాద్ సిటీ పోలీస్ కమిషనర్ సజ్జనార్ వెంటనే నర్సింగరావుపై పూర్తిస్థాయిలో దర్యాప్తు కొనసాగించాలని ఆదేశాలు జారీ చేశారు. ట్రాఫిక్ ఇన్‌స్పెక్టర్ నర్సింగరావుతో పాటు ఎస్సై అశోక్, హోంగార్డ్ కేశవులు, కోర్టు కానిస్టేబుల్స్ సుధాకర్లను కూడా బదిలీ చేస్తున్నట్లుగా ఉత్తర్వులు జారీ చేశారు.

వీరందరూ చలాన్లను మాఫీ చేసేందుకు పెద్ద ఎత్తున లంచాలు తీసుకున్నట్లుగా పలు ఫిర్యాదులు అందడంతో ఆగ్రహం చెందిన సీపీ వారిపై ఈ చర్యలు తీసుకున్నారు. పోలీస్ శాఖలో అవినీతిని ఏమాత్రం సహించబోమని సీపీ సజ్జనార్ స్పష్టం వ్యక్తం చేశారు.ఇటీవల అవినీతి ఆరోపణలతో ఇద్దరు ఏసీపీలు, నలుగురు ఇన్‌స్పెక్టర్ల పై కఠిన చర్యలు తీసుకున్న విషయం తెలిసిందే. విధుల్లో నిర్లక్ష్యం లేదా అవినీతికి పాల్పడితే ఎంతటి అధికారులపైన అయినా కూడా వారిపై చర్యలు తీసుకోవడం జరుగుతుందని సీపీ హెచ్చరించారు.